जनकपुरबाट श्रोत नखुलेको २० लाख रुपैयाँसहित एक युवक पक्राउ

टुडेपाटी-
जनकपुरधाम, जेठ ८ गते ।

जनकपुरबाट स्रोत नखुलेको २० लाख रुपैयाँसहित एक युवक पक्राउ परेका छन् । पक्राउ पर्नेमा भारत बिहार राज्य सितामढी जिल्ला ग्राम पञ्चायत मनपुर घर भइ हाल जनकपुरधाम उपनपा ६ डेरा गरी ब स्ने २५ वर्षीय रन्धिर ठाकुर छन् ।
उनलाई जनकपुरधाम ६ डोम्बाबारी स्थितबाट स्रोत नखुलेको २० लाख रुपैयाँसहित पक्राउ गरेको धनुषाका प्रहरी प्रवक्ता डिएसपी वेदप्रसाद गौतमले जानकारी दिए ।
ठाकुरमाथि थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।

Sponsored