रौतहटको ईशनाथ नगरपालिका–१ का वडाध्यक्ष साहको निधन

टुडेपाटी-
जनकपुरधाम, कार्तिक ३० गते ।

रौतहटको ईशनाथ नगरपालिका–१ का वडाध्यक्ष बिगु साहको निधन भएको छ । मिर्गौला रोगबाट पीडित साहको उपचारका क्रममा बिहीबार निधन भएको हो।

वडाध्यक्ष साह २०७९ सालको स्थानीय तह निर्वाचनमा लोकतान्त्रिक समाजवादी पार्टी (लोसपा)बाट निर्वाचित भएका थिए । यसअघि २०७४ सालको स्थानीय तह निर्वाचनमा उनी नेपाली कांग्रेसबाट वडाध्यक्ष बनेका थिए ।

Sponsored

वडाध्यक्ष साहको निधनप्रति रौतहट क्षेत्र नम्बर २ का सांसद किरणकुमार साहले गहिरो दुःख व्यक्त गर्दै शोकाकुल परिवारजनमा समवेदना प्रकट गरेका छन् ।