चोरीको मोटरसाइकलसहित धनुषाबाट एकजना पक्राउ

टुडेपाटी–
जनकपुरधाम, जेठ ८ गते ।

धनुषा प्रहरीले चोरीको मोटरसाइकलसहित एकजनालाई पक्राउ गरेको छ ।

पक्राउ पर्नेमा जनकपुरधाम उपमहानगरपालिका २१ कुर्था बस्ने उमेश दास रहेको जिल्ला प्रहरी कार्यालय धनुषाले जनाएको छ ।

आइतबार राति १२ बजे जनकपुरधाम १२ हनुमाननगरबाट प्रदेश २–०२–००४ प १३४४ नम्बरको सुपर स्पलेण्डर मोटरसाईकल चोरी भएको सुचनाको आधारमा प्रहरीले मोटरसाईकल खोज तलाश गर्ने क्रममा सोमबार बिहान जनकपुरधाम–जटही सडक अन्तरगत सिक्सलेन बाटोमा दासलाई नियन्त्रणमा लिएको प्रहरी प्रवक्ता प्रहरी नायव उपरीक्षक वेदप्रसाद गौतमले जानकारी दिए ।

दासले मोटरसाइकल डोर्यानउदै लगिरहेको अवस्थामा पक्राउ परेका छन् ।

यस सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।