क्रिकेटको बेटिङको आशंकामा कीर्तिपुर मैदानबाट ५० जना पक्राउ

टुडेपाटी–
काठमाडौँ, मंसिर २ गते ।

नेपाल र युएईबीचको तीन एकदिवसीय क्रिकेट सिरिजको बेटिङ गराएको आशंकामा केन्द्रीय अनुसन्धान ब्यूरोले ५० जनालाई पक्राउ गरेको छ ।

केन्द्रीय अनुसन्धान ब्यूरोका एआईजी उत्तमराज सुवेदीले कीर्तिपुर खेल मैदान आसपासमा बसेर बेटिङ गराएको आशंकामा ५० जनालाई नियन्त्रणमा लिइएको बताए ।

पक्राउ पर्नेहरू अधिकांश भारतिय मुलका छन् । पक्राउ परेकाहरुमध्ये धेरैजना बेटिङ गराउनकै लागि भारतबाट आएको आशंका गरिएको छ ।

मैदान आसपासमा बसेर विगत ३ दिनदेखि उनीहरूले शंकास्पद गतिविधि गरिरहेको ब्यूरोले जनाएको छ ।

शुक्रवार नेपाल र युएई बीचको सिरिज अन्तर्गत अन्तिम खेल कीर्तिपुरस्थित क्रिकेट मैदानमा चलिरहेको छ ।