सप्तरीका काँग्रेस नेता गुप्ताको निधन
टुडेपाटी-
सप्तरी, कार्तिक ५ गते ।
सप्तरीको कंचनपुर गाविसका पूर्व उपाध्यक्ष एव लोकप्रिय नेता रामभरोसी गुप्ताको निधन भएको छ ।
सप्तरी जिल्ला क्षेत्र नम्बर १ बाट नेपाली काँग्रेसका महाधिवेशन प्रतिनिधि तथा कंचनपुर रौनियार समितिका अध्यक्ष समेत रहेका गुप्ताको ६५ वर्षको उमेरमा बिराटनगर स्थित विराट नसिंह होममा उपचारका क्रममा गए राती ११ बजे निधन भएको हो ।
गुप्ता डायभिटिज, मुटु, निमोनिया र किड्नी सम्बन्धि रोगको उपचार गराउँदै आउनु भएको थियो । गुप्ता २०३६ सालदेखि नेपाली काँग्रेसमा क्रियाशील भई आफ्नो राजनैतिक यात्रालाई अगाडि बढाई संगठनलाई मजबुद बनाउँदै उपाध्यक्ष समेत बन्न सफल भएका लोकप्रिय नेताको रुपमा परिचित थिए ।
Sponsored
नेपाली काँग्रेस जिल्ला कार्य समिति सप्तरीका सचिव रामकुमार यादव र नेपाली काँग्रेसका क्षेत्रिय सभापति ललन प्रसाद गुप्ताले शोक बक्तव्य जारी गर्दै गुप्ता इमान्दार ,कर्मठ अनुशासित भई राजनीतिमा प्रजातन्त्र र लोकतन्त्रको आन्दोलनमा निष्ठावान पूर्वक सक्रिय भई काम गरिरहेको अवस्थामा उनको अचानक निधन भएको खबरले नेपाली काँग्रेसलाई ठुलो क्षति भएको बताए । ।
