जानकी मन्दिरको भत्काइएका पर्खालको निमार्ण कार्य सुरु

टुडेपाटी-
जनकपुरधाम, कात्तिक ४ गते ।

जानकी मन्दिरको भत्काइएका पर्खालको निर्माण कार्य शुरु हुने भएको छ । एकीकृत शहरी विकास योजना अन्तर्गत सडक विस्तारको क्रममा मन्दिरको पर्खाल अतिक्रमण गरी नयाँ पर्खाल निर्माण गरेको भन्दै स्थानीयवासीले विरोध गरेका थिए ।

त्यसपछि केहि वडाध्यक्षहरुको नेतृत्वमा अतिक्रमण गरी निर्मित गरिएको पर्खाल भत्काएको थियो । अहिले नापी कार्यालय धनुषाको प्रतिवेदनका आधारमा पुनः मंगलबारदेखि पर्खाल निर्माण हुन लागेको हो ।

Sponsored

गुठी संस्थान जनकपुरधामको गत असोज ३० गते बसेको बैठकले जानकी मन्दिरको पर्खाल निर्माणका लागि सरोकारवाला पक्षलाई सहयोगका लागि अपिल गरेको थियो । सो निर्णयअनुसार मंगलबारदेखि जानकी मन्दिरको साबिककै ठाउँमा पर्खाल निर्माण हुने गुठी संस्थान जनकपुरका प्रमुख बैकुण्ठ प्रसाद रेग्मीले जानकारी दिए ।