कैलालीमा असईपछि प्रहरी जवान रामबहादुर पनि मृत फेला

टुडेपाटी-
कैलाली, कात्तिक ४ गते ।

कैलालीमा असई मृत फेला परेको २ दिन नबित्दै फेरि अर्का प्रहरी जवान रामबहादुर साउद पनि मृत फेला परेका छन् ।

यसअघि उनीसँगै गस्तीमा गएका प्रहरी सहायक निरीक्षक गोबिन्द बिकको शव मोहना नदीमा फेला परेको थियो ।

असई बिकको शवभन्दा २ सय मिटर पश्चिममा नदीमै जवान साउदको शव मंगलबार बिहान फेला परेको सूदुरपश्चिम प्रदेश प्रहरी प्रवक्ता एसएसपी मुकेश सिंहले जानकारी दिए ।

शनिबार राति मोटरसाइकलमा गस्ती गएका दुई जना सम्पर्कबिहिन भएपछि प्रहरीले खोजिकार्य तिब्र बनाएको थियो ।
असईको शव आइतबार बिहानै फेला परेपनि जवान बेपत्ता थिए ।

उनीहरुको हत्या आशंकामा प्रहरीले १३ जनालाई नियन्त्रणमा लिएर अनुसन्धान गरिरहेको छ ।