४ लाख रुपैयाँ ठगी आरोपमा सिरहाका काँग्रेस जिल्ला सदस्य पक्राउ

टुडेपाटी-
सिरहा, असोज २६ गते ।

ठगी आरोपमा सिरहामा नेपाली काँग्रेसका एक जिल्ला सदस्य पक्राउ परेका छन् । प्रहरी थुनामा रहेका मान्छे छुटाइ दिन्छु भन्दै पैसा असुल्ने कांग्रेसका सिरहा जिल्ला सदस्य रामबाबु यादव पक्राउ परेका हुन् ।

इलाका प्रहरी कार्यालय मिर्चैयाले यादवलाई सिरहा सदरमुकामबाट पक्राउ गरेको हो । गएको असोज १८ गते जुवा खेल्ने क्रममा आठ जना पक्राउ परेका थिए । त्यस मध्येका सियाराम महतोलाई प्रहरीबाट छुटाइदिन्छु भन्दै ४ लाख रुपैयाँ परिवारसँग लिएको खुलेपछि यादवलाई पक्राउ गरेको प्रहरीले जनाएको छ ।

यदावमाथि ठगी मुद्दा चलाएर थप अनुसन्धान गरिरहेको जिल्ला प्रहरी कार्यालय सिरहाका डीएसपी शालिग्राम शर्माले जानकारी दिए ।

यादव आफ्नो पार्टीको जिल्ला सदस्य नभएको नेपाली कांग्रेस जिल्ला कार्यसमितिका सभापति रामचन्द्र यादवको दावी छ ।