रौतहटमा जंगली हात्तीले आक्रमण गर्दा एकजनाको मृत्युु

टुडेपाटी-
जनकपुरधाम, कार्तिक १६ गते ।

रौतहटको फतुवा विजयपुर नगरपालिकामा जङ्गली हात्तीले आक्रमण गर्दा एकजनाको मृत्यु भएको छ।

मृत्यु हुनेमा फतुवा विजयपुर–११  बुट्वा राङि गाउँका
वर्ष  ७० की पातली तामाङको मृत्यु भएको हो ।

आज  बिहान  आफ्नै घरमा सुतिरहेको अवस्थामा हात्तीली घरमा आक्रमण गरेको थियो ।

घटनास्थल पुगेका इलाका प्रहरी कार्यालय विजयपुरका प्रमुख इन्स्पेक्टर इन्द्रमणि अधिकारीले घटनाको पुष्टि गरेका छन्।

जङ्गली हात्तीले एक्कासि घर माथि आक्रमण गर्दा मृतकको श्रीमान् भागेर ज्यान बचाएका थिए ।

हात्तीले एउटा अर्को घरमा पनि क्षति पुर्‍याएको इन्स्पेक्टर अधिकारीले जानकारी दिए। हाल नेपाल प्रहरी, डिवीजन वन कार्यालय चन्द्रिगाहपुर र सशस्त्र बेस क्याम्प विजयपुरको टोली घटनास्थल पुगेको र थप अनुसन्धान भइरहेको प्रहरीले जनाएको छ।