महोत्तरीमा स्यालले टोक्दा ६ जना घाइते

टुडेपाटी
जनकपुरधाम, पुस ९ गते ।

महोत्तरीमा स्यालले टोक्दा ६ जना घाइते भएका छन् ।

गौशला नगरपालिका–११ लक्ष्मिनियाको जंगल क्षेत्रमा मंगलबार साँझ स्यालले आक्रमण गर्दा चार महिला र दुई पुरुष घाइते भए हुन् ।

इलाका प्रहरी कार्यालय गौशालाका अनुसार घाइतेहरूमा स्थानीय मती देवी महतो, ललिता शर्मा, लिलम साह, रोशन यादव, रामचन्द्र यादव, र मन माया पोखरेल रहेका छन् ।

उनीहरु खेतबाट घर फर्किरहेको बेला स्यालले अचानक आक्रमण गरेर टोकेको प्रहरीले जनाएको छ ।