मधेश प्रदेश : मोटरसाइकल दुर्घटनामा दुई युवकको मृत्यु, एकको अवस्था गम्भीर

टुडेपाटी–
राजविराज, जेठ १२ गते ।

सप्तरीको राजविराज–छिन्नमस्ता सडक खण्ड अन्तरगत सखडामा भएको मोटरसाइकल दुर्घटनामा परि दुईजना युवकको मृत्युु भएको छ । यस्तै, अर्का एक जना गम्भीर घाइते भएका छन् ।

सप्तरीको सदरमुकाम राजविराज देखि सखडा तर्फ जादै गरेको प्रदेश २–०१–००२ प २५६० नम्बरको अपाचे मोटरसाइकल आफै अनियन्त्रित भइ दुर्घटना हुँदा दुई जना युवकको घटनास्थलमै मृत्युु भएको छ भन्ने अर्का एक जना गम्भीर घाइते भएको जिल्ला प्रहरी कार्यालय सप्तरीले जनाएको छ ।

दुर्घटनामा छिन्नमस्ता गाउँपालिका वडा नं. ३ बस्ने जोगेन्द यादवको छोरा १८ वर्षीय श्याम कुमार यादव र मोटरसाइकल पछाडि सवार सोही ठाउँका रघुबिर खङ्गका ३० वर्षीय छोरा बिकास कुमार खङ्गको मृत्युु भएको प्रहरीले जनाएको छ ।

यस्तै, सोही दुर्घटनामा मोटरसाइकल पछाडि सवार लाल बहादुर खङ्गका २३ वर्षीय छोरा अजय कुमार खङ्ग गम्भीर घाइते भएको जिल्ला प्रहरी कार्यालय सप्तरीका प्रबक्ता डिएसपी नरेश कुमार सिहले जानकारी दिए ।

घाइते खङ्गको राजविराज स्थित गजेन्द्रनारायण सिंह अस्पतालमा उपचार भइरहेको तथा घटनाको सम्बन्धमा आवश्यक अनुसन्धान कार्य भइरहेको सप्तरी प्रहरीले जनाएको छ ।

यता, मृतक युवकको शव पोष्टमार्टमका लागि गजेन्द्रनारायण सिह अस्पतालमा राखिएको प्रहरीले जनाएको छ ।