धनुषामा मोटरसाइकल पोलमा ठोक्किएर एक युवकको ज्यान गयो
टुडेपाटी-
जनकपुरधाम, पुस १४ गते ।
धनुषामा मोटरसाइकल पोलमा ठोक्किएर एक युवकको ज्यान गएको छ । जनाको मृत्यु भएको छ । ज्यान जानेमा धनुषाको कमला नगरपालिका ८ हरिने बस्ने दुखी ठाकुरका छोरा २८ वर्षीय रामचन्द्र ठाकुर रहेको प्रहरीले जनाएको छ ।
बिहीबार बिहान विरेन्द्रबजार महिनाथपुर हुलाकी सडकखण्डको सहिदनगर नगरपालिका ६ हठीपुरमा ठाकुरले चलाइरहेको मधेश प्रदेश २-००६ प १८१९ नम्बरको मोटरसाइकल कलभर्टको पोलमा ठोकिएर दुर्घटना भएको हो । उनी गिद्धादेखि यदुकोहा तर्फ जाँदै थिए । दुर्घटनामा परेर गम्भीर घाइते भएका ठाकुरलाई उपचारको लागि जनकपुर ल्याउँदै गर्दा बाटोमा मृत्यु भएको धनुषाका प्रहरी नायव उपरीक्षक प्रदीप बहादुर क्षेत्रीले जानकारी दिए ।
Sponsored
मृतकको शव पोस्टमार्टमको लागि प्रादेशिक अस्पताल जनकपुरमा राखिएको र घटना विषयमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।
