मधेश प्रदेश : मिनरल वाटरको कार्टुनमा गाँजा तस्करी

टुडेपाटी–
जनकपुरधाम, मंसिर १ गते ।

सर्लाहीमा सशस्त्र प्रहरीले मिनरल वाटरको कार्टुनमा तस्करी भइरहेको गाँजासहित ट्रक नियन्त्रणमा लिएको छ।

मलंगवा नगरपालिका ११, गमहरियास्थित बुधबार साँझ एक पेट्रोल पम्पमा पार्किङ गरेर राखेको बागमती प्रदेश ३–०१–००६ ख १७०४ नम्बरको ट्रकबाट १ क्विन्टल ४० केजी गाँजासहित ट्रक नियन्त्रणमा लिएको सशस्त्र प्रहरी मधेस प्रदेशका डिआइजी गणेश ठाडा मगरले जानकारी दिए।

नं. २ छिन्नमस्ता बाहिनीको विशेष सूचनाको आधारमा बिओपी मलंगवाबाट खटेको सशस्त्र प्रहरी टोलीले पानीको ८० वटा कार्टुनभित्र लुकाई छिपाई भारततर्फ लैजान लागेको प्रतिबन्धित गाँजा नियन्त्रणमा लिएको हो।

बरामद गरिएको गाँजा र ट्रक आवश्यक कार्वाहीको लागि जिल्ला प्रहरी कार्यालय सर्लाहीमा बुझाइएको छ ।