धनुषा : ससुराली आएका शंकरको मोटरसाइकल दुर्घटनामा मृत्यु, दुई जना घाइते

टुडेपाटी

जनकपुरधाम, कार्तिक ४ गते ।

धनुषाको नगराइन नगरपालिकामा सोमवार मध्यराति मोटरसाइकल दुर्घटना हुँदा एकजनाको मृत्यु भएको छ । घटनामा मोटरसाइकलमै सवार भएका अन्य दुई जना घाइते भएका छन् ।

नगराइनबाट गंगुलीर्फ आउने क्रममा बि आर ३२ एबी ४१८३ नम्बरको मोटरसाइकल दुर्घटनामा भारतको मधुवनी उमगाउ घर भएका ४० वर्षीय शंकर महराको मृत्यु भएको प्रहरीले जनाएको छ ।

जिल्ला प्रहरी कार्यालय धनुषाका अनुसार मृतक महरा नगराइन नगरपालिका–४ स्थित ससुराली आएका थिए । दुर्घटनामा घाइते भएका दुबैजनाको जनकपुरस्थित जानकी हेल्थ केयरमा उपचार भइरहेको प्रहरीजले जनाए ।

तिब्र गतिमा रहेका मोटरसाइकल अनियन्त्रित भइ दुर्घटना भएको प्रहरीको भनाइ छ । सडकमा अचानक कुकुर आएपछि गाडी नियन्त्रित भएको बताइएको छ । घटनास्थलमै कुकुरको समेत मृत्यु भइसकेको छ ।