सप्तरीको क्वारेन्टाइनमा युवाहरुले गरे भुख हडताल

शुभ नारायण यादव –

सप्तरी, साउन ११ गते ।

सप्तरीको एक क्वारेन्टाइनमा बसेकाहरु भोक हड्तालमा उत्रिएका छन् । तिरहुत गाउँपलिका ५ लोहजरा गाउँको सरस्वती जन्ता माध्यामिक विद्यालयको क्वारेन्टाइनमा बसेकाहरु भोक हड्तालमा उत्रेका हुन् ।

खाद्यान्न सामग्रीको उचित व्यवस्थापन नगरेको भन्दै आफुहरु भोक हड्तालमा उत्रिनु परेको क्वारेन्टाइनमा बसेका अनिल मुखियाले गुनसो गरे ।

सो क्वारेन्टाइनमा १८ जना युवाहरु बसेका छन् । समयमा ज्वरो मापन, खानेपानी, बिधुत, डाक्टर, माक्स, सेनिटाईजर, सरसफाई, लगायतको समस्याहरुलाई ध्यान नदिएको कारण उनीहरु भोकहड्तालमा उत्रेको बैजनाथ पंडितले बताए ।

गाउँपालिका अध्यक्ष मनोज यादव र वडा नं. ५ का वडाअध्यक्ष रमानन्द चौधरीलाई पटक पटक क्वारेन्टाइनको समस्याको विषयमा गुनासो गर्दा कुनै मतलब नगरेको उनीहरुको आरोप छ ।