कास्की पहिरो अपडेट : सात जनाको मृत्यु, ११ जना घाइते

टुडेपाटी-

पोखरा, असार २६ गते ।

कास्कीमा पहिरोमा परि मृत्यु हुनेको संख्या ७ जना पुगेको छ भने ११ जना घाइते भएका छन् ।

पोखरा-१८ सराङकोटको गोठादीका टंकबहादुर थापाको घर पहिरोमा परेको थियो । थापासहित उनकी श्रीमती सोममाया थापा, दुई नाती र छिमेकी इशीका थापाको मृत्यु भएको कास्कीका प्रहरी प्रवक्ता सुवास हमालले जानकारी दिए ।

पोखरा–२६ मा दुर्गाबहादुर सुनारको घर भत्किएर ज्यान गएको हो ।

पोखरा-२५ हेमजामा रामचन्द्र अधिकारीको घर पहिरोमा पर्दा उनका आमा हिमकला अधिकारीको ज्यान गएको छ । फाइल फोटो