यी हुन् नेपालले बन्द गरेका भारतीय टीभी च्यानलहरु

टुडेपाटी-

काठमाडौँ, असार २५ गते ।

नेपाल र भारतबीच केही समययता सम्बन्ध बिग्रन थालेपछि भारतीय न्युज च्यानलहरुले नेताहरुबिरुद्ध जथाभावी प्रचारबाजी गरिरहेका समय टीभी च्यानलको प्रसारण नेपालमा बन्द भएको छ ।

विदेशी च्यानल वितरक मल्टी सिस्टम अपरेटर (एमएसओ)ले बिहीबार साँझदेखि दूरदर्शनबाहेक सबै भारतीय न्युज च्यानलको प्रसारण रोकेको एमएसओका अध्‍यक्ष दिनेश सुवेदीले जानकारी दिए ।

‘नेपालको राष्ट्रियतामाथि आँच आउने समाचारहरु प्रसारण भएकाले हामीले भ्रामक र अतिरञ्जित खबर फैलाउने भारतीय न्यूज च्‍यानलहरुको प्रसारण साँझदेखि रोकेका हौँ’ उनले भने ।

बन्द हुनेमा जीटिभी, आजतक, एबिपीलगायत समाचार च्यानलहरु बन्द गरिएका हुन् । बिहीबार साँझदेखि नेपालमा कुनै पनि भारतीय न्युज च्यानलहरु प्रसारण भएका छैनन् ।