घट्न थाल्यो कोरोना संक्रमित, थप १०८ जनामा संक्रमण पुष्टि

टुडेपाटी-

जनकपुरधाम, असार २५ गते ।

पछिल्लो २४ घण्टामा नेपालमा थप १०८ जनामा कोरोना भाइरसको संक्रमण पुष्टि भएको छ । यो पछिल्लो समय एकैदिन थपिनेको सबैभन्दा कम संख्या हो ।

गएको २४ घण्टामा ४ हजार ५८८ जनाको पीसीआर परीक्षण गरिएको थियो ।

बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरका परीक्षण केन्द्रमा गरिएको आरटीपीसीआर परीक्षणमा थप १०८ जनामा कोरोना पोजिटिभ देखिएको जानकारी दिए ।

योसँगै नेपालमा कोरोना संक्रमितको संख्या १६ हजार ५३१ पुगेको छ ।

यस्तै पछिल्लो २४ घण्टामा थप १३९ जना कोरोना मुक्त भएर विभिन्न आइसोलेसन केन्द्रबाट डिस्चार्ज भएका छन् ।

योसँगै नेपालमा कोरोना निको हुनेको संख्या ७ हजार ८९१ पुगेको छ ।