रौतहटमा हथौडा प्रहार गरी वृद्धाको विभत्स हत्या

टुडेपाटी-
रौतहट, माघ २८ गते ।
रौतहटमा धारिलो हतियार प्रहार गरि एक वृद्धाको हत्या गरिएको छ । रौतहटको दुर्गा भगवती गाउँपालीका ३ मत्सरी पर्साटोलका ६५ वर्षीय फेकन पण्डितको उनकै घरमा राखिएको हथौडाले टाउकोमा प्रहार गरी अज्ञात समूहले हत्या गरिएको हो ।

प्रहरीका अनुसार सोमबार राति खाना खाएर घर देखी करिब १ किलोमिटरको दुरीमा रहेको गाइगोठमा सुत्न गएका पण्डित मंगलबार बिहान अवेरसम्म घरमा नफर्केपछि परिवारका सदस्यहरुले गोठमा हेर्न जाँदा उनको टाउकोमा हथौडा प्रहार गरेर विभत्स हत्या गरिएको रौतहट प्रहरीले जनाएको छ ।

घटनाको विषयमा गहन रुपमा अनुसन्धान भइरहेको रौतहटका प्रहरी प्रमुख प्रहरी उपरीक्षक रविराज खडकाले जानकारी दिए । मृतकको शव पोस्टमार्टमको लागि जिल्ला अस्पताल गौरमा राखिएको छ।

Sponsored