क्रिकेटर पूजा महतोलाई जानकी एकेडेमिक हस्पिटलको सम्मान

टुडेपाटी-
जनकपुरधाम, मंसिर ५ गते ।

क्रिकेटर यू-१९ टिमकी कप्तान पूजा महतोलाई जानकी एकेडेमिक हस्पिटलले सम्मान गरेको छ ।

महाेत्तरीकाे रामगोपालपुर नगरपालिका -९ पर्सा देवाड स्थित जानकी एकेडेमिक हस्पिटलका प्रशासन प्रमुख संजयकुमार यादवले ११ हजार नगद, मायाको चिनोसहित खादा ओढाएर महतोलाई सम्मान गरेका हुन् ।

पूजालाई सम्मानसहित उनको परिवारका सदस्यलाई आजीवन हस्पिटलमा ५० प्रतिशत छुटमा उपचारसमेत गर्ने प्रशासन प्रमुख यादवले बताए ।

गत नोभेम्बर ४ देखि १३ सम्म युएईमा भएको आईसीसी यू- १९ महिला अन्तर्राष्ट्रिय क्रिकेटमा नेपाली टोलिकी कप्तान महतो उत्कृष्ट प्रदर्शन गर्दै नेपाललाई विश्वकपमा पुर्याउन ठूलो योगदान गरेकी हुन् ।

महतोको घरमै सम्मान गर्न हस्पिटलका डा. मनिष ठाकुर, कमलेश यादव यादव लगायत पुगेका थिए ।