पर्सामा स्रोत नखुलेको ५ लाख रुपैयाँसहित हुण्डी कारोबारी पक्राउ

टुडेपाटी-
पर्सा, माघ २६ गते ।

पर्सा प्रहरीले साढे पाँच लाख रूपैयाँसहित एक हुण्डी कारोबारीलाई पक्राउ गरेको छ।

आइतबार वीरगञ्ज महानगरपालिका–१६ रजतजयन्तीचोकबाट प्रहरीले भारत मोतिहारी पूर्वी चम्पारण रक्सौल डमुरिया टोल बस्ने ५० वर्षीय सुरेश महतोलाई पक्राउ गरेको हो।

प्रहरीका अनुसार महतो भारत रक्सौलबाट वीरगन्जतर्फ मोटरसाइकलमा रकम बोकेर आइरहेका थिए। उनको साथमा रहेको रकमको स्रोत नखुलेपछि पक्राउ गरिएको प्रहरीले जनाएको छ।

नगद, मोटरसाइकलसहित उनलाई नियन्त्रणमा लिएर अनुसन्धान भइरहेको प्रहरीको छ ।