जलेश्वरबाट १२ किलो गाँजासहित २ महिला पक्राउ

टुडेपाटी-
महोत्तरी, माघ २६ गते ।
महोत्तरीमा लागुऔषध गाँजा सहित २ महिला पक्राउ परेका छन् । पक्राउ पर्नेमा पर्साको मधुवनी गाउँपालिका ४ औराहा बस्ने क्षेत्रबहादुर श्रेष्ठको श्रीमती अन्दाजी ४५ वर्षीया सलटनी माझी र रामसुरत पासवानको श्रीमती अन्दाजी ४८वर्षीया पानोदेवी पासवान छिन् ।

गत शुक्रबार महोत्तरीको जलेश्वर नगरपालीका–१ माछा बजारस्थित सवारी चेकजाँचको क्रममा उनीहरुलाई जिल्ला प्रहरी कार्यालय महोत्तरीबाट खटिएको प्रहरी टोलीले पक्राउ गरिएको जनाएको छ ।

ज.१ स.१३१२ नं.को टेम्पोमा सवार रहेकी उनीहरुको साथबाट १२ किलो गाँजा बरामद भएको जिल्ला प्रहरी कार्यालय महोत्तरीले जनाएको छ ।

Sponsored

पक्राउ परेकी दुवै महिलालाई नियन्त्रणमा लिई थप अनुसन्धान भइरहेको महोत्तरीका प्रहरी नायव उपरीक्षक माधव प्रसाद बुढाथोकीले बताए ।