रौतहटमा धारिलो हतियार प्रहार गरी वृद्धको हत्या

टुडेपाटी

रौतहट, साउन ३० गते ।

रौतहटको गौर नगरपालिका–५ कोइरी टोलमा ७४ वर्षीय वृद्ध अनिरुद्ध महतोको धारिलो हतियार प्रयोग गरी हत्या भएको छ। उनको शव बुधबार बिहान धान खेतमा फेला परेको छ।

जिल्ला प्रहरी कार्यालय रौतहटका प्रहरी उपरीक्षक दिलिप घिमिरेका अनुसार महतोको शव उनको घरभन्दा २ सय मिटर पूर्वमा रहेको धान खेतमा भेटिएको हो। प्रारम्भिक अनुसन्धानका क्रममा महतोको हत्या धारिलो हतियारले प्रहार गरी गरिएको आशंका गरिएको छ।

प्रहरीले घटनाबारे थप अनुसन्धान भइरहेको जानकारी दिएको छ

।