महोत्तरीबाट श्रोत नखुलेको १३ लाख रुपैयाँसहित एक भारतीय पक्राउ

टुडेपाटी
जनकपुरधाम, कार्तिक १३ गते ।

महोत्तरीको सदरमुकाम जलेश्वरबाट श्रोत नखुलेको १३ लाख २० हजार रुपैयाँसहित एक भारतीय नागरिक पक्राउ परेका छन् । पक्राउ पर्नेमा भारत विहारको सितामढी गाढ़ा बेला पंचायत बस्ने ४० वर्षीय अरुण पंजियार छन् ।

उनलाई आइतबार दिउँसो जलेश्वर नगरपालिका वडा नं. ७ वखरी चोक स्थित सम्सीबाट जलेश्वर तर्फ आउँदै गरेको ना. ३ ख २८७८ नम्बरको बसबाट नियन्त्रणमा लिएको हो । बसलाई रोकेर चेकजाँच गर्दा पजियारकोसाथबाट श्रोत नखुलेको १३ लाख २० हजार नियन्त्रणमा लिइ थप अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।

Sponsored