मधेश प्रदेश : दुई लाखभन्दा बढीको रजनिगंधा बरामद

टुडेपाटी-
सप्तरी, साउन १४ गते ।

सप्तरीमा प्रहरीले २ लाखभन्दा बढीको रजनिगंधा र मस्ताबा बरामद गरेको छ ।

शनिबार सप्तरीको राजबिराज नगरपालिका ७ स्थित हुलाकी राजमार्ग सडक खण्डमा भन्सार छली गरेर ल्याएको रजनिगंधा र मस्तबा बरामद गरिएको जिल्ला प्रहरी कार्यालय सप्तरीले जनाएको छ ।

प्रहरी प्रवक्ता प्रहरी नायव उपरीक्षक नरेशकुमार सिंहका अनुसार  प्रदेश ०२-०१-००३ प ६५८२ नम्बरको मोटरसाइकलमा ल्याउदै गरेको ११८ पैकेट राजनिगंधा र मस्ताबा गरी अन्दाजी २ लाख  ३ हजार ७५० मूल्य बराबरको प्रदेश प्रहरी कार्यालय जनकपुरधाम धनुषा र वडा प्रहरी कार्यालय राजबिराज सप्तरीबाट खटिएको संयुक्त टोलीले बरामद गरेको हो ।

बरामद गरिएको रजनिगंधा र मस्तबा सहित मोटरसाइकल आवश्यक कार्वाहीको लागी राजबिराज भन्सार कार्यालय तिलाठी सप्तरीमा बुझाईएको प्रहरीले जनाएको छ ।