मधेश प्रदेश : ब्राउन सुगरसहित एक युवक पक्राउ

टुडेपाटी–
रौतहट, असार ११ गते ।

प्रहरीले ब्राउन सुगरसहित एक युवकलाई नियन्त्रणमा लिएको छ ।

पक्राउ पर्नेमा चन्द्रपुर नगरपालिका–४ का ३० वर्षीय विवेक गुरो रहेको इलाका प्रहरी कार्यालय चन्द्रनिगाहपुरका प्रमुख डीएसपी एक नारायण कोइरालाले बताएका छन् ।

रौतहटको पूर्व–पश्चिम महेन्द्र राजमार्गसँग जोडिएको चन्द्रनिहापुरबाट लागुऔषध ब्राउन सुगरसहित गुरोलाई पक्राउ गरिएको हो ।

प्रहरीले चेकजाँच गर्ने क्रममा गुरोको शरीरमा लुकाएर राखेका १.४६० ग्राम ब्राउन सुगर बरामद गरेको हो ।

यस सम्बन्धमा थप अनुसन्धान भइरहेको जिल्ला प्रहरी कार्यालय रौतहटले जनाएको छ ।