गर्मी बढेपछि सप्तरीको राजविराज नगरपालिकाका सम्पूर्ण विघालयहरु ५ दिनका लागि बन्द

शुभ नारायण यादब–
सप्तरी, जेठ १८ गते ।

तराई मधेशका जिल्लाहरुमा गर्मी अत्यधिक बढेपछि मधेश प्रदेशका जिल्लाहरुमा विद्यालयहरु बन्द हुन थालेको छ ।

गर्मी बढेपछि सप्तरीको राजविराज नगरपालिकाकाले जेठ १९ गतेदेखि २३ गतेसम्मको लागि ५ दिन सामुदायिक तथा सस्थागत विद्यालयहरु बन्द गर्ने निर्णय गरेको छ ।

भोलीदेखि जेठ २३ गतेसम्म वालविकास देखि कक्षा १२ सम्मका सबै सामुदायिक, धार्मिक तथा संस्थागत विद्यालयहरु बन्द रहने राजविराज नगरपालिकाकी कार्यबाहक नगर प्रमुख इसरत परविनले जारी गरेको सूचनामा उल्लेख गरिएको छ ।

वर्षे विदाबाट कट्टा हुनेगरी विद्यालयहरु बन्द रहने सूचनामा जनाएको छ ।

विगत केही दिनदेखि तराई मधेशका जिल्लाहरुमा २८ देखि ४२ डिग्री सेल्सियस तापक्रम मापन गरिएको छ ।