गणतन्त्र दिवसको अवसरमा रौतहटबाट १० जना कैदी रिहा

टुडेपाटी–
रौतहट, जेठ १५ गते ।

गणतन्त्र दिवसको अवसरमा रौतहटबाट १० जना कैदी बन्दी रिहा भएका छन्।

गणतन्त्र दिवसको अवसरमा राष्ट्रपति रामचन्द्र पौडेलले कैद सजाय माफीको घोषणा गरे अनुसार रौतहट कारागारमा बन्दी जीवन बिताइरहेका १० जना कैदी रिहा भएका हुन्।

Sponsored

रिहा हुनेहरूमा डाँका मुद्दाका सर्लाहीको धनकौल ७ का मदन साह भन्ने रामाप्रवेश साह, डाँका मुद्दाका रामनगर ४ सर्लाहीका हृदय बैठा भन्ने हरिदेव बैठा, सवारी अङ्गभङ्ग मुद्दाका कमलामाई ९ सिन्धुलीका कुल बहादुर कार्की लगायत रहेको जेलर मणि भूषण साहले जानकारी दिए ।