मधेश प्रदेश : पिकअपको ठक्करबाट बसमा सवार एकजनाको मृत्यु

टुडेपाटी-
बारा, बैशाख २९ गते ।

बारामा पिकअपको ठक्करबाट बसमा सवार एकजनाको मृत्यु भएको छ ।

बाराको जितपुर सिमरा उपमहानगरपालिका- २३ मा भएको सवारी दुर्घटनामा पर्साका एक जनाको मृत्यु भएको छ।

प्रदेश २-३-००१-च २४५२ नम्बरको पिकअपले ठक्कर दिँदा ना ६ ख ९३६१ नम्बरको बसमा सवार पर्साको कालिकामाइ गाउँपालिका- २ बस्ने ५२ वर्षीय नागेन्द्र महतो नुनियाको मृत्यु भएको प्रहरीले जनाएका छन् ।

शुक्रबार बिहान वीरगञ्बाजबाट काठमाडौ‍ँका लागि छुटेको बसमा सवार नुनियाले झ्याबाट टाउको बाहिर निकाल्दा विपरित दिशाबाट आउँदै गरेको पिकअपले ठक्कर दिँदा उनको मृत्यु भएको प्रहरी प्रबक्ता प्रहरी नायव उपरीक्षक पुरुषोतम पाण्डेले जानकारी दिए।

यस सम्बन्धमा थप अनुसन्धान भैरहेको प्रहरीले जनाएका छन् ।