महोत्तरीमा बसको ठक्करबाट एकै परिवारका तीनजनाको मृत्यु

टुडेपाटी–
जनकपुरधाम, बैशाख ६ गते ।

महोत्तरीमा बसले मोटरसाइकललाई ठक्कर दिँदा तीजनाको मृत्यु भएको छ ।

बुधबार दिउँसो करिब १२ बजेको समयमा गौशाला नगरपालिका १ रामनगरमा निर्माणाधिन रेल्वे ट्रयाकको २ सय मिटर उत्तरपट्टी बसले मोटरसाइकललाई ठक्कर दिँदा मोटरसाइकलमा सवार ३ जनाको मृत्यु भएको जिल्ला प्रहरी कर्याालय महोत्तरीले जनाएको छ ।

गौशाला रोडबाट गौशाला जाने क्रममा मधेश प्रदेश ०१–००४ प ६८१९ नम्बरको मोटरसाइकललाई सम्सीबाट जनकपुरधाम आउँदै गरेको बा ३ ख २३९६ नम्बरको बसले ठक्कर दिँदा सिरहाको कल्याणपुर नगरपालिका १० बस्ने २६ वर्षीय अमृत मण्डल, उनको श्रीमती २४ वर्षीया अञ्जु मण्डल र भतिजि ६ वर्षीया अन्सु मण्डलको मृत्यु भएको छ ।

बसका चालक फरार भएकाले उनको खोजी भइरहेको महोत्तरीले जनाएको छ ।