सप्तरीको लोहजारामा आगलागी, लाखौंको धनमाल जलेर नष्ट

शुभ नारायण यादव-
सप्तरी, फागुन २७ गते ।

सप्तरीको तिरहुत गाउपालिका ५ स्थित लोहजरामा आगलागी हुँदा लाखौंको धनमाल जलेर नष्ट भएको छ ।

स्थानीय राम किसुन मैरता यादवको घरमा बिजुलिको तार सर्ट भई अचानक आगलागि हुँदा झन्डै ४० लाख ९९ हजार मूल्य बराबरको क्षति भएको हो । यादवसँगै टासिएको छिमेकी घरहरुमा समेत आगो फैलिएको प्रहरीले जनाएको छ ।
यादवको जस्ता पत्ताको छानो र ईट्टाको पर्खाल भएको ४ वटा घर, नगद १८ हजार, चाँदी तथा सुनको गरगहना, अन्नपात, लत्ता कपडा, फर्निचर गरी १३ लाख हजार बढीको क्षति भएको छ ।

छिमेकी सोहि ठाउँ बस्ने देव नारायण ठाकुरको जस्ता पत्ताको छानो र बाँसको टाटी बेरा भएको २ वटा घर जल्दा नगद एक लाख ३० हजार, अन्नपात, फर्निचरको सामान गरी जम्मा आठ लाख, उपेन्द्र ठाकुर कोजस्ता पत्ताको छानो र बाँसको टाटी बेरा भएको २ वटा घर ३ लाख, यस्तै सत्यनारायण ठाकुर लगायतको घरमा आगलागीबाट जम्मा ४० लाख रुपैयाँ बराबरको क्षति भएको प्रहरीले जनाएको छ ।

आगो स्थानीय बासिन्दा, प्रहरी, कंचनरुप, हनुमाननगर कंकालिनि, राजविराज र शम्भुनाथ नगरपालिकाबाट गरी ४ वटा दमकलले नियन्त्रणमा लिएको जिल्ला प्रहरी कार्यालय सप्तरीले जनाएको छ ।