मधेश प्रदेश : सालीसँग होली खेल्न जाँदा गाउँलेसँग कुटिए, भयो ग्याङ फाइट

टुडेपाटी-
सप्तरी, फागुन २४ गते ।

सप्तरीमा आफ्नो सालीसँग होली खेल्न जाँदा गाउँका केटाहरुसँग एकजना कुटिएका छन् ।

गाउँका केटाले कुटेपछि ग्याङ फाइट भएको प्रहरीले जनाएका छन् ।

मंगलबार  सप्तरीको महादेवा गाउँपालिका ४ मनियार परसाही टोलमा सोही पालिकाको वडा नं.१ चिम्टी बस्ने २५ वर्षीय योगेन्द्र सरदारले आफ्नो ससुरालिमा सालिलाई घर बाहिर रङ लगाउँदा गाउँको केटाहरुले कुटपिट गरेका थिए ।

गाउँका केटाहरूले कुटपिट गरेपछि युवकले फोन गरेर आफ्नो गाउँका करिब ८०।९० जना साथिहरुलाई बोलाउँदा दुई पक्षबीच पुन झै-झगडा तथा कुटपिट भएको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

दुई पक्षबीच भएको झैझगडामा घाइते भएकाहरुको स्थानिय मेडिकलमा उपचार भएको तथा कुटपिटमा संलग्न २ जनालाई पक्राउ गरिएको प्रवक्ता सिंहले बताए ।

फरार रहेका अन्यहरुको खोजी भइरहेको जिल्ला प्रहरी कार्यालय सप्तरीले जनाएको छ ।