मधेश प्रदेश : भारतबाट भैँसी ल्याउँदा एकजना पक्राउ

टुडेपाटी–
जनकपुरधाम, माघ ६ गते ।

सप्तरी प्रहरीले भारतबाट भैँसी लिएर आउँदै गरेका एकजनालाई नियन्त्रणमा लिएको छ ।

सप्तरीको राजबिराज नगरपालिका ६ स्थित सखडा मोडमा भारतबाट भन्सार छली चोरी पैठारी गरी को १ च ६५८ नम्बरको महिन्द्रा पिकअप गाडीमा बच्चा सहितको भैसी २ वटा थिएर आउँदै गर्दा पक्राउ गरिएको जिल्ला प्रहरी कार्यालय सप्तरीले जनाएको छ ।

पक्राउ पर्नेमा सिरहाको धनगढीमाई नगरपालिका ९ मुसहरनिया टोल बस्ने २९ वर्षीय गगन प्रकाश महतो रहेको प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

पक्राउ परेका भैँसी र पुरुषलाई आवश्यक कारवाहीको लागी शुक्रबार राजबिराज भंसार कार्यालय तिलाठी सप्तरी पठाइएको जिल्ला प्रहरी कार्यालय सप्तरीले जनाएको छ ।