जनकपुरमा प्रहरी हवल्दार मदिराको नशामा ग्यारेजमा गरे तोडफोड (भिडियोसहित)

टुडेपाटी-
जनकपुरधाम, पुस १८ गते ।

जनकपुरधाममा एक जना प्रहरी हवल्दारले मदिराको नशामा गालीगलौज र तोडफोडमा उतरिएको भिडियो सार्वजनिक भएको छ । नकपुरधामको भ्रमरपुरा चोकस्थित एक ग्यारेजमा हवल्दार विपिनकुमार साहले मदिराको नशामा सो ग्यारेजमा गालीगलौजका साथै तोडफोडमा उतरिएको भिडियोमा सार्वजनिक भएको हो ।

प्रहरी हवल्दार साहको दरबन्दी जिल्ला प्रहरी कार्यालय सिरहामा रहेको छ भने उनलाई जिल्ला प्रहरी कार्यालय धनुषामा काजमा खटाइएको छ ।
ग्यारेजमा मदिरा खाएर एक व्यक्तिलाई अश्लील गाली गर्नुका साथै थप्पडले हिर्काएको सो भिडियोमा समेत देखिन्छ ।

भिडियो हेर्न यहाँ क्लिक गर्नुहोस्

यता हवल्दार साह आवेशमा आएर आफ्नो मुखबाट गाली निस्किएको स्वीकार गरेका छन् । भिडियोमा २ लाख ७ हजार रुपैयाँको कुनै विवाद समेत रहेको सुन्न सकिन्छ । यद्यपि हवल्दार साहले त्यस्तो कुनै विषय नरहेको दावी गरे ।

उनले सो ग्यारेजमा गत वर्ष वेल्डि।ग गर्ने क्रममा एक गाडी जलेको र सोको क्षतिपूर्तीको विवाद मात्रै रहेको बताए । यता जिल्ला प्रहरी कार्यालय धनुषाका प्रहरी उपरीक्षक विश्वराज खडकाले आफूलाई यस विषयमा जानकारी रहेको र छिट्टै यस विषयमा सत्य तथ्य बुझेर कारबाही प्रकृया अगाडी बढाउने बताए ।