बारामा २५ किलो गाजासहित एक जना पक्राउ

टुडेपाटी–
वीरगञ्ज, कार्तिक २१ गते ।

प्रहरीले बाराबाट २५ किलो लागुऔषध गाजासहित एक जनालाई पक्राउ परेका छन् ।

जिल्लाको निजगढ नगरपालिका १२ बारथली बस्ने ५८ वर्षीय प्रेमबहादुर लोलाई पक्राउ गरिएको प्रहरीले जनाएको छ ।

इलाका प्रहरी कार्यालय निजगढ, बाराबाट खटिएको प्रहरी टोलीले आइतबार राति निजगढ १२ कुलियाबाट उनलाई पक्राउ गरेको थियो । कुलियामा प्रहरी टोलीलाई देख्ने वित्तिकै उनी सहित ३ जनाले बोकेर ल्याएको बोरा फालेर भागेका थिए ।

२ वटा बोरामा ७ किलोका दरले १४ किलो र एउटा बोरामा ११ किलो गरी जम्मा २५ किलो लागु औषध गाजा बरामद भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।