मधेश प्रदेश : मोटरसाइकल दुर्घटनामा आमाको मृत्यु, छोरा घाइते

टुडेपाटी–
बारा, कार्तिक १२ गते ।

बारामा बस र मोटरसाइकल ठोक्किँदा आमाको मृत्यु भएको छ भने छोरा घाइते भएका छन् ।

बाराको पथलैयामा बस र मोटरसाइकल ठोक्किँदा छोराले चलाएको मोटरसाइकल पछाडि सवार आमाको दुर्घटनामा ज्यान गएको र छोरा घाइते भएको प्रहरीले जनाएको छ ।

दुर्घटनामा परेर हेटौंडा १६ की ४५ वर्षकी होम थापा मगरको घटनास्थलमा मृत्यु भएको हो । उनलाई उपचारका लागि अस्पताल पुर्‍याउँदा चिकित्सकले उनको मृत्यु भएको घोषणा गरेका थिए ।

मोटरसाइकल चलाएका उनका छोरा २३ वर्षका पुजन थापाको सिमरामा रहेको अल्पाइन अस्पतालमा उपचार भइरहेको छ । प्रहरीले बस र बसका चालकलाई नियन्त्रणमा लिएको छ ।