महोत्तरीमा गुडिरहेको भ्यानबाट खसेर बालकको मृत्यु

टुडेपाटी-
महोत्तरी, कार्तिक २ गते ।

महोत्तरीमा म्याजिक भ्यानबाट खसेर एक बालको मृत्यु भएको छ ।

जिल्लाको बर्दिबास नगरपालिका–८ सानो किशानमा बुधबार गुडिरहेको म्याजिक भ्यानबाट खसेर स्थानीय नर बहादुर राईका ७ वर्षीय छोरा पृथ्वी राईको मृत्यु भएको छ ।

ना ३ च ५७५३ नम्बरको भ्यानबाट खसेर गम्भीर घाइते भएका बालकको उपचारको क्रममा स्थानीय अस्पतालमा मृत्यु भएको प्रहरीले जनाएको छ।

दुर्घटनामा संलग्न सवारी साधनका चालक फरार रहेकाले खोजी भइरहेको जिल्ला प्रहरी कार्यालय महोत्तरीले जनाएको छ ।