मधेश प्रदेश : लागूऔषध र हतियारसहित युवक पक्राउ

टुडेपाटी–
जनकपुरधाम, भदौ २३ गते ।

प्रतिबन्धित लागूऔषध र हतियारसहित सिरहाबाट एक युवक पक्राउ परेका छन् ।

सिरहाको कल्याणपुर नगरपालिका वडा नं. २ चतरी बस्ने १९ वर्षीय सुमन कुमार मण्डललाई पक्राउ गरिएको जिल्ला प्रहरी कार्यालय सिरहाले जनाएको छ ।

शुक्रवार दिउँसो सिरहा नगरपालिका १७ कमला बाँध स्थित ईलाका प्रहरी कार्यालय माडरबाट खटेको प्रहरी टोलीले चेकजाँच गर्ने क्रममा भारतबाट साइकलमा नेपालतर्फ आउदै गरेको युवकलाई चेकजाँत गर्दा लागूऔषध बरामद गरेको हो ।

युवकको साथबाट नाइट्राभेट ट्याब्लेट २६ पिस, डाईजेल्याब ३ एम्पुल, सिरिन्ज १ थान, फलामको तरवार १ थान, फलामको फर्सा १ थान, फाईटर ६ थान, पेस्तोल जस्तो आकारको लाइटर गन १ थान र साईकल १ थान बरामद भएको प्रहरी प्रवक्ता प्रहरी नायव उपरीक्षक सुवास बुढाथोकीले जानकारी दिए ।

जिल्ला अदालत सिरहाबाट म्याद लिई यस सम्बन्धमा थप अनुसन्धान भइरहेको प्रहरीले जनाएका छन् ।