मधेश प्रदेश : ईंटाभट्टाको खाडलमा जमेको पानीमा डुबेर बालकको मृत्यु

टुडेपाटी–
सर्लाही, भदौ १६ गते ।

सर्लाहीमा ईंटाभट्टाको खाडलमा जमेको पानीमा डुबेर एक बालकको मृत्यु भएको छ ।

विहिबार दिउँसो हरिवन नगरपालिकाको घुर्कौली स्थित पत्थरकोटिया टोलमा मदन घिसिङ्ले सञ्चालन गर्दै आएको मिदास ईट्टाभट्टाको खाडलमा जमेको पानिमा डुबेर हरिवन ६ का रामचन्द्र महतोको १२ वर्षीय छोरा आकाश महतोको मृत्यु भएको ईलाका प्रहरी कार्यालय हरिवनले जनाएको छ ।

भैँसी चराउन जाँदा भैंसी खाल्डोमा परेपछि निकाल्न खोज्दा सोही खाल्डोमा डुबेर बालकको मृत्यु भएको बताईएको छ ।

बालकको शव पोष्टमार्टमका लागि सदरमुकाम मलंगवा स्थित प्रादेशिक अस्पताल पठाईएको तथा यस सम्बन्धमा थप अनुसन्धान भइरहेको सर्लाही प्रहरीले जनाएका छन् ।