भारतबाट बढेर आयो पेट्रोलियम पदार्थको मूल्य

टुडेपाटी–
काठमाडौं, भदौ १६ गते ।

भारतबाट पेट्रोलियम पदार्थको मूल्य बढेर आएको छ ।

पछिल्लो तीन पटक मूल्य घटाएर पठाएको भारतीय आयल कर्पोरेसन (आईओसी)ले यस पटक डिजेल र पेट्रोलको नयाँ मूल्य पठाएको छ ।

बिहीबार प्राप्त नयाँ मूल्य अनुसार पेट्रोलको मूल्य १ रुपैयाँ ४० पैसा र डिजेलको मूल्य ६ रुपैयाँ १२ पैसाले बढेर प्राप्त भएको छ भने खाना पकाउने ग्याँसको मूल्य प्रतिसिलिण्डर १ सय रूपैयाँले घटेर आएको नेपाल आयल निगमले जनाएको छ ।

नयाँ मूल्य प्राप्त भए पनि निगमले उपभोक्ता बिक्री मुल्यबारे भने कुनै निर्णय गरेको छैन ।

यसअघि भारतबाट लगातार तीन पटक मूल्य घटेर प्राप्त भएपनि निगमले बिक्री मूल्य घटाएको थिएन ।