भारतबाट `गुण्डा´ बोलाएर भाइ-बुहारीको हत्या

टुडेपाटी-
काठमाडौं, साउन १० गते ।

दाइ र भाउजुले भारतबाट गुण्डा बोलाएर भाई र बुहारीको हत्या गरेको घटना बाहिरीएको छ ।

कोहलपुर नगरपालिका १४ ओढारपुरका कृष्ण गडरिया र उनकी श्रीमती अञ्जली गडरियालाई दाइभाउजुले हत्या गरेको खुलेको छ ।

इलाका प्रहरी कार्यालय, कोहलपुरका प्रहरी नायव उपरीक्षक ऐनबहादुर मल्लले कृष्णका दाई विजय र भाउजु रेखाले भारतबाट दुई जना हत्यारालाई बोलाएर दुबैजनाको हत्या गरेको बताए ।

कृष्ण र अञ्जलीको हत्या गर्न भारतबाट दुई जनालाई ५०/५० हजार रुपैया दिएर बोलाइएको थियो ।
सोमबारराती ११ देखि १२ बजेको बीचमा कृष्ण र अञ्जलीको हत्या भएको थियो ।

यस घटना सम्बन्धमा थप अनुसन्धान भइरहेको प्रहरीले जनाएका छन् ।