एसईईको नतिजा बुधवार सार्वजनिक हुने

टुडेपाटी–
काठमाडौं, साउन १० गते ।

राष्ट्रिय परीक्षा बोर्डले एसईईको नतिजा भोली सार्वजनिक गर्ने भएको छ । कक्षा १० को परीक्षा नियन्त्रण कार्यलयले एसईईको नतिजा बुधबार सार्वजनिक गर्ने जनाएको छ ।

माध्यामिक शिक्षा परीक्षा (एसईई) परीक्षा नियन्त्रक अर्जुनकुमार रायमाझीले भोली नतिजा सार्वजनिक हुने जानकारी दिए । अन्तिम तयारीमा आफुहरु रहेको भन्दै उनले नतिजा भोलि आउने बताए ।

कोभिडका कारण दुई वर्षपछि कक्षा १० का विद्यार्थीले बोर्डले तयार पारेको प्रश्नपत्रको आधारमा भौतिक रुपमा परीक्षा केन्द्रमा नै उपस्थिति भएर परीक्षा दिएका छन् ।

एसईईको परीक्षामा चार लाख १४ हजार विद्यार्थी सहभागी भएको बोर्डले जनाएको छ ।