महोत्तरीबाट श्रोत नखुलेको भारु साढे चार लाख सहित एक युवक पक्राउ
टुडेपाटी-
महोत्तरी, जेठ १५ गते ।
महोत्तरीबाट श्रोत नखुलेको भारु साढे चार लाख रुपैयाँसहित एक युवक पक्राउ परेका छन् ।
पक्राउ पर्नेमा भारत पानावेला ग्रामपञ्चायत १३ बस्ने २२ वर्षीय जिशान शेख रहेको प्रहरीले जनाएको छ ।
Sponsored
आइतबार बिहान ९ बजे भारतबाट नेपाल तर्फ आउँदै गरेको JH01W9108 नं.को CBZ नम्बरको मोटरसाईकलमा सवार शेखलाई सम्सी गाउँपालिका ६ मस्जित स्थित चेकजाँच गर्दा स्रोत नखुलेको साढे ४ लाख रुपैयाँ भारु फेला परेको हो ।
महोत्तरीका प्रहरी प्रवक्ता डिएसपी प्रकाश विष्टका अनुसार शेखको साथबाट ५०० दरको नोट ८९६ थान र भारतीय २,००० दरको नोट थान १ गरी जम्मा ४ लाख ५० हजार भारतीय रुपैयाँ बरामद भएको हो ।
बरामद भएको रुपैयाँ र मोटरसाईकल सहित उनलाई आवश्यक कारवाहीको लागि राजश्व अनुसन्धान कार्यालय पथलैया बारा पठाएको डिएसपी विष्टले जानकारी दिए ।
Sponsored
