महोत्तरीमा पोखरीमा डुबेर एक बालकको मृत्यु

टुडेपाटी-
महोत्तरी, बैशाख १९ गते ।

महोत्तरीमा पोखरीमा डुबेर एक बालकको ज्यान गएको छ ।

मृत्यु हुनेमा सोनमा गाँउपालिका ३ रघुनाथपुर बस्ने जोगिन्द्र यादवको छोरा ६ वर्षीय सुजित कुमार यादव छन् ।

घरभन्दा पाँचसय मिटर पश्चिममा रहेको पोखरीको डुबिरहेको अवस्थामा स्थानीयले बालकको उद्धार गरेका थिए ।

अस्पताल लैजाने क्रममा बाटो मै मृत्यु भएको प्रहरीले जनाएको छ ।

बालकको शव पोस्टमार्टमको लागि प्रादेशिक अस्पताल जलेश्वरमा पठाइएको र घटना विषयमा थप अनुसन्घान गरिरहेको ईलाका प्रहरी कार्यालय गौशालाका प्रहरी निरिक्षक रंजन मिश्रले जनकारी दिए ।