महोत्तरीबाट स्रोत नखुलेको ४ लाख रुपैयाँसहित एक युवक पक्राउ

टुडेपाटी-
महोत्तरी, बैशाख १८ गते ।

स्रोत नखुलेको चार लाख रुपैयाँसहित महोत्तरीबाट एक युवक पक्राउ परेका छन् ।

पक्राउ पर्नेमा जलेश्वर नगरपालिका(१२ थरुवाही बस्ने १९ वर्षीय सुजित मण्डल रहेको प्रहरीले जनाएको छ ।

भारतबाट ब्याग बोकेर पैदल नेपालतर्फ आउँदै गरेका मण्डललाई जलेश्वर नगरपालिका ३ स्थित भन्सार कार्यालय अगाडिबाट पक्राउ गरिएको महोत्तरीका प्रहरी प्रवक्ता प्रकाश विष्टले जानकारी दिए ।

उनका अनुसार मण्डलले बोकेको ब्यागबाट चार सय थान एक हजारको नोट बरामद भएको छ ।

उनलाई नियन्त्रणमा लिएर जलेश्वर भन्सार कार्यालयको जिम्मा पठाइएको प्रहरीले जनाएको छ ।