महोत्तरीमा मोटरसाइकलको ठक्करबाट एक जनाको ज्यान गयो

टुडेपाटी-
महोत्तरी , बैशाख ५ गते ।

महोत्तरीमा मोटरसाइकलको ठक्करबाट एकजनाको ज्यान गएको छ ।

मृत्यु हुनेमा पैदल यात्री जिल्ला महोत्तरी पिपरा गाउँपालिका वडा नं.६ बस्ने ६५ वर्षीय पचु सदा रहेका छन् ।

आइतबार राति पौने १२ बजेको समयमा महोत्तरी पिपरा गाउपालिका ६ रतौली चौक स्थित हुलाकी राजमार्गमा जनकपुरबाट भ्रमपुरा तर्फ आँउदै गरेको ज ६ प १६४८ नम्बरको मोटरसाईकलले सदालाई ठक्कर दिएको थियो ।

ठक्करबाट गम्भीर घाइते सदाको उपचारको क्रममा जनकपुर स्थित जानकी हेल्थकेरमा सोमबार बिहान मृत्यु भएको जिल्ला प्रहरी कार्यालय महोत्तरीले जनाएको छ ।

मोटरसाईकल चालक फरार रहेको र मोटरसाईकल नियन्त्रणमा लिएर घटनाको विषयमा थप अनुसन्धान गरिरहेको प्रहरीले जनाएको छ ।