सर्लाहीमा क्रेनको ठक्करबाट साइकल यात्री किशोरीको मृत्यु, ६ सेल अश्रुग्यास प्रहार

टुडेपाटी-
सर्लाही, चैत १७ गते ।

सर्लाहीको बागमतीमा क्रेनले ठक्कर दिँदा एक किशोरीको मृत्यु भएको छ ।

मृत्यु हुनेमा बागमती नगरपालिका ७ की सुमित्रा परियार छन् ।

निमीचोकको भित्री सडक–खण्डमा गाजली चोकबाट बागमतीतर्फ जाँदै गरेको हाइड्रो (क्रेन) ले बागमतीबाट गाजली चोकतर्फ आउँदै गरेको साइकल यात्री सुमित्रालाई ठक्कर दिएको थियो ।

उनको घटनास्थलमै टनास्थलमा मृत्यु भएको प्रहरीले जनाएको छ ।

घटना पश्चात स्थानीयले ठक्कर दिने क्रेन जलाएका छन् । चालकलाई प्रहरीले पक्राउ गरेको छ ।

करिब ८ सय विद्यार्थी र स्थानीय भेला भएर सडक अवरुद्ध गर्दै प्रदर्शन गरेका थिए ।

प्रहरीले भिडलाई नियन्त्रणमा लिन र सडक खुलाउन ६ राउण्ड अश्रुग्यास फायर गरेको छ ।