धनुषामा भयानक दुर्घटना : एउटै मोटरसाइकलमा सवार चारजना बालकको ज्यान गयो, एक गम्भीर

टुडेपाटी-
जनकपुरधाम, चैत १४ गते ।

धनुषामा सवारी दुर्घटनामा एउटै मोटरसाइकलमा सवार चारजना बालकको ज्यान गएको छ ।

सोमबार साँझ करिब ८ बजेको समयमा धनुषाकाबे सवैला नगरपालिका १२ रघुनाथपुरको नहरचौकदेखि बरकुर्वाको बिच सडकखण्डमा मोटरसाइकल दुर्घटनामा चारजना बालकको मृत्यु भएको हो ।

मृत्यु हुनेमा सबैला वडा नं. २ बस्ने वर्ष १२ का लक्ष्मी यादव, मोटरसाइकल चालक वर्ष १५ का राहुल यादव, वर्ष १४ का सुमित यादव र वर्ष १२ का बौका यादव रहेको धनुषाका प्रहरी नायब उपरीक्षक (डिएसपी) जितेन्द्र बस्नेतले जानकारी दिए ।

साथै दुर्घटनामा परि सोहि वडाका वर्ष १९ का सुरेन्द्र यादव गम्भिर घाइते भएको प्रहरीले जनाएको छ ।

दुर्घटनामा पाँचैजना गम्भीर घाइते भएका थिए । उपचारको लागि प्रादेशिक अस्पताल जनकपुरधाम पठाउँदा चारजना बालकलाई चिकित्सकले मृत घोषणा गरका छन् ।

एकजनाको उपचार भइरहेको प्रहरीले जनाएको छ ।

दुर्घटना के कसरी भयो भन्ने विषयमा अनुसन्धान भइरहेको डिएसपी बस्नेतले बताए ।