धनुषामा एक किराना पसलमा आगजनी, १० लाख बढीको क्षति

टुडेपाटी-
जनकपुरधाम, चैत १३ गते ।

धनुषाको विदेह नगरपालिका तिनकौरीया चोकको एक किराना पसलमा आगजानी गरिएको छ ।

शनिबार राति साढे ११ बजे सन्तोष कुमार मण्डलले सञ्चालन गरेको शान्ता पान पैलेसमा आगजनी भएको हो ।

आगोबाट सम्पूर्ण पसल नै जलेर नष्ट भएको छ । पसल भित्र रहेको किराना, कपडा लगायतको सरसमान जलेर १० लाख बढीको क्षति भएको संचालक मण्डलले बताए ।

त्यहाँबाट करिब ५० मिटरकै दुरीमा प्रहरीचोकी तिनकौरिया रहेको छ । प्रहरी बजारमा डिउटी नबस्दा कसैले आगो लगाइदिएको हुन सक्ने स्थानीयको भनाइ छ । सो पसल तिनकौरिया चोकमा २० वर्षदेखि संचालनमा रहेको थियो ।

यता तिनकौरिया प्रहरी चोकीका सई आशनारायण गिरीले २४ घण्टा चोकमा प्रहरीको डिउटी हुने गरेको दावी गरेका छन् ।

उनले घटना विषयमा थप अनुसन्धान गरिरहेको बताएका छन् ।