मेडिकल सामाग्री र खुद्रा सामान लिएर काठमाडौंँ जाँदै गरेको ट्रक प्रहरी नियन्त्रणमा

टुडेपाटी–
पर्सा, फागुन २९ गते ।

भन्सार छली गरेर वीरगञ्जबाट काठमाडौं तर्फ मेडिकल सामाग्री तथा खुद्रा मालबस्तुहरुसहित जाँदै गरेको ट्रकलाई प्रहरीले नियन्त्रणमा लिएको छ ।

शनिवार राति भन्सार छली गरेर ल्याएको मेडिकल तथा खुद्रा सामाग्री सहित प्रदेश १–२००१ ख ९२५२ नम्बरको ट्रकलाई पर्साको वीरगञ्ज महानगरपालिका वडा नं. १४ गण्डक सडकखण्डमा गोप्य सूचनाको आधारमा पक्राउ गरिएको हो ।

वीरगञ्जबाट काठमाण्डौ जाँदै गरेको ट्रकलाई विशेष सूचनाको आधारमा नियन्त्रणमा लिएको जिल्ला प्रहरी कार्यालय पर्साले जनाएको छ ।

भन्सार छली गरी ल्याइएका मेडिकल सामाग्री तथा खुद्रा मालवस्तुहरू र ट्रकलाई १ करोड ६० लाख मूल्यांकन गरी आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साले जनाएको छ ।